SUPERBALITA CEBU

75-anyos nabanggaan sa motorsiklo

USA ka 75-anyos nga lalaki nabanggan sa usa ka motorsiklo sa may dan M.L. Quezon Ave., Barangay Cabancalan, Mandaue City alas 11:08 sa buntag adlawng Martes, Pebrero 23, 2021.

Giila ang biktima nga si Jose Artajo, 75, taga M.L. Quezon Ave, Barangay Cabancalan.

Gimaneho ang maong motorsiklo ni Balbino Saquib, 58, taga Barangay Cabancalan.

Sigon ni Police Staff Sergeant Rico Senilong, ang imbestigador sa Traffic Division sa Mandaue City Police Office, nga buot unta mulabang si Artajo sa maong dan aron muadto sa ilang tindahan, samtang si Saquib nagbyahe sa maong dan paingon sa A.S. Fortuna St. kay buot unta muadto sa Country Mall.

Apan, sa dihang si Artajo paingon na mulabang, adunay usa ka pick-up nga left turn sa usa ka eskina.

Sigon ni Senilong nga natabunan si Artajo sa maong pick-up og pagsulod na sa pick-up sa eskina, wala na makabantay si Suquib nga anaa diay si Artajo, hinungdan nga nabanggaan kini.

Wala sab makabantay si Artajo nga nagpadung sab si Suquib.

Pila ka minutos ang milabay, naabot dayon ang Emergency Response Unit Foundation sa lugar og gidala dayon si Artajo sa tambalanan.

Sigon ni Senilong nga gidala sab si Suquib sa ilang buhatan alang sa imbestigasyon.

Matod niya nga maayo ra ang kahimtang ni Artajo apan tungod sa iyang pangedaron, kinahanglan pa kini ipaubos sa CT scan ug X-Ray. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph