SUPERBALITA CEBU

Editoryal: Labella mibakwi dayon

Editorial Cartoon by John Gilbert Manantan

MAAYONG mopahuway una si Cebu City Mayor Edgardo Labella aron mas dali ug hingpit ang pagkaayo sa iyang sakit. Maklaro sa iyang barog ug ulahing lihok sa pagdumala sa dakbayan nga medyo dunay pagkaderensiya sama sa pakigbatok sa coronavirus disease 2019 (Covid-19).

Kagahapon, Pebrero 22, si Labella unang nipahayag nga mosuporta sa deklarasyon ni Gobernador Gwendolyn Garcia nga miabli sa turismo sa lalawigan sa Sugb, hinungdan sa pagpaluag usab niya sa pagdawat og mga bisita sa dakbayan, susama sa lalawigan nga parehong ubos sa modified general community quarantine (MGCQ).

Apan sa samang adlaw, si Labella nibakwi sa iyang pulong ug nagkanayon nga magpadayon ang polisiya sa mga pasahero nga moabot sa puwerto nga destinasyon ang Dakbayan sa Sugbo. Nagpaluag ang lalawigan sa pagdawat og mga bisita gikan sa ubang bahin sa nasod apan si Labella mas nagpahugot sa iyang polisiya.

Kataw-anan. Walay pulos ang paglain sa pasahero sa Dakbayan sa Sugbo tungod sa diskarte sa ubang pasahero nga mangayo og travel acceptance gikan sa ubang dapit sa lalawigan o Metro Cebu nga walay huresdiksiyon si Labella. Lusot gihapon.

Makapangutana kita, kabubut-on kaha ni ni Labella? Dili kaha dunay laing naghunghong sa pagbakwi niini? Nasayran gikan sa mga reporter sa City Hall nga mismo ang Public Information Office (PIO) daling nipugong kanila nga dili una pagawas sa balita ang unang pamahayag sa mayor, diin nabutyag na sa pipila ka newsroom sa media outlets.

Ug sa ingon niini, sama sa ilang gihulog nga pahoy ang mayor. Wala na mosalig sa mga pamahayag niini? Tinuod nga nagsaka ang kaso sa Covid-19 sa dakbayan, sama katinuod usab sa nag-ung-ong nga pagtiurok sa ekonomiya. Di mamatay sa Covid-19 apan motiurok sa kagutom. Maayong balanse ug maghiusa sa polisiya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph