SUPERBALITA CEBU

Away sa tennis misangko sa panigbas; maguwang kritikal

Tungod lang sa duwa nga tennis, naa sa kritikal nga kahimtang ang maguwang lalake kay gitigbas sa iyang manghod nga nalupig sa ilang sinukmagay sa alas 6:00 sa gabii sa Pebrero 22, 2021 sa Purok Mahogany, Brgy. Cagcagan, Lungsod sa Poro, Isla sa Camotes.

Ang duha naglalis lang kalabot sa tennis.

Si Sammy Gonzalez, 37, mag-uuma, minyo talandugon ang kahimtang tungod sa mga samad tinigbasan sa ulo ug kalawasan human tigbasa sa iyang manghod nga si Ronel Manonggol, 32, laborer.

Si Police Senior Master Sgt. Fil Florentino sa Poro Police Station nga nahinabi sa Superbalita Cebu nagkanayon nga si Sammy nagduwag tennis samtang lineman si Ronel.

Apan nagkalalis ang magsuon dihang si Sammy mikwestyon kang Ronel kabahin sa desisyon niya sa linya sa in ug out sa korte.

Niinit ang ilang panaglalis hangtod nga nahitabo ang ilang sinukmagay.

Nalupig ni Sammy ang iyang manghod, apan giuwang silang duha sa mga silingan.

Niuna og uli si Ronel, apan nibalik nga nagdala na og sundang.

Iyang gitigbas si Sammy sa nagkadaiyang bahin sa lawas.

Daling gidala si Sammy sa ospital samtang si Ronel nadakpan sa kapulisan ug gibilanggo. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph