SUPERBALITA DAVAO

3 pusil apil patay sa disgrasya

LIMA ka mga tawo ang namatay, tulo niini mga pulis, samtang laing duha ang naangol sa nahitabong bangga sa Purok 2, Barangay Lagab, Compostela, Davao de Oro alas 7:30 sa gabii Martes, Pebrero 23, 2021.

Namatay nga pulis mao sila si Police Corporal Aries Jay Eray, Patrolman Armon Rulida Pelicano, Patrolman Adamson De Isidro Casador, samtang ang duha mag-agaw nga sila si Jason Davenchi ug Marjon Davenchi nga pulos molupyo sa lungsod sa Laak.

Subay sa taho, sakay ang mga biktima nga sila Eray, Pelicano ug Casador sa kolor itom nga Toyota Furtuner nga dunay plaka nga WYI 869 ug gimaneho ni Police Staff Sergeant Jayford Sumaliday.

Matud pa nga ang sakyanan naglabigar sa dalan gikan sa Barangay San Miguel, Compostela paingon sa direksiyon sa lungsod sa Montevista.

Apan pag-abot sa Purok 2, Barangay Lagab, kalit nga nawad-an og kontrol si Sumaliday sa gimanehong sakyanan hangtud nga misarasay ang dagan niini paingon sa walang bahin sa dalan ug aksidenteng mibangga sa kolor pula nga motorsiklo nga walay plaka ug gimaneho ni Rodolfo Antiojo, uban sa mga sakay nga mag-agaw nga sila si Marjun ug Jayson nga giingong padulong unta sa New Bataan.

Human mibangga ang sakyanan sa motorsiklo, midiretso sab kini sa kanal daplin sa kalsada ug nabangga sab sa ali nga semento sa kanal.

On the spot nga namatay ang tulo ka mga pulis samtang sila Sumaliday, ingon man ang mga sakay sa motosiklo nadala pa ngadto sa Davao De Oro Provincial Hospital sa lungsod sa Montevista pinaagi sa Compostela Emergency Response Team apan ang mag-agaw nga Davenchi pulos wa makalahutay ug namatay.

Nasayran nga si Eray sakop sa Compostela Municipal Police Station apan on leave tungod kay nag-schooling. Samtang sila si Pelicano ug Casador giingong nadestino sa Police Regional Office-Davao Region.

Nasayran sab nga ang mag-agaw nga Davenchi padulong unta mangaplay og trabaho niadtong higayon didto sa New Bataan ug giubanan ni Antiojo aron motabang kanila.

Patay’ng lawas sa mga biktima gipahiluna na sa punerarya samtang sila si Sumaliday ug Antiojo pabilin pa sulod sa balay tambalanan.

Nakatanggong na sab ang mga nalambigit nga mga sakyanan sa bangga sa nataran sa Compostela Municipal Police Station.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph