Naghari si Edelyn Vosotros ug Jimmy Ty sa torneyo nga gipahigayon Cebu Executives and Professionals Chess Association (Cepca) niadtong Pebrero 21, 2021 sa lichess.org.
Mikamada og 42 puntos si Vosotros aron harian ang Prexy Jerry Blitz Arena, samtang si Ty mitali og 33 puntos aron daogon ang titulo All-Cepcans Arena.
Ang duha ka mga torneyo parti sa Cepca Weekend Chess online og exclusive kini sa mga bonified Cepca members ug invited lady players.
Milabni sa ikaduhang puwesto sa Prexy Jerry Blitz arena moa si Eladio Lim III nga miiskor og 28 puntos.
Samtang sa All-Cepcans arena, gikuha ni National Master (NM) Jasper Rom (30) ang ikaduhang luna. Gisundan siya nila Norman Jasper Montejo (27), Rosendo Yamyamin (27), Isen Montero (24) ug NM Rogelio Enriquez Jr. (24).
Ang Prexy Jerry Blitz Arena gi-sponsoran ni Maratas, samtang ang All-Cepcans gipaluyohan ni Dr. Leo Lofranco ug Department of the Interior and Local Government (DILG) officer Richard Ouano. (RSC)