8 contact tracers positibo sa Covid

File photo
File photo

WALA mahinayon ang coronavirus disease 2019 (Covid-19) vaccine simulation kagahapon, Pebrero 24, sa kagamhanan sa Lap-Lapu ug Department of Health (DOH-7) tungod sa kadaghan sa ilang personnel sa contact tracing team ang gipaubos sa mandatory isolatsion human walo sa ilang kauban nagpositibo sa Covid-19.

Si Lapu-Lapu City Mayor Junard Chan nikompirmar nga walo ka personnel sa contact tracing team sa dakbayan ang natakdan sa virus.

Kini naglakip usab sa iyang igsuon nga si Grace Mary Carungay, ang city epidemiological and surveillance unit officer sa Lapu-Lapu.

Kasamtangan usab nga nag-isolate ang pangulo sa city health office nga si Dr. Agnes Realiza nunot sa pagkapositibo ni Carungay samtang naghuwat usab sa iyang resulta sa swab test.

Gibutyag ni Chan nga posibleng sa Marso na ang vaccine simulation sa kagamhanan o depende sa DOH kanus-a nila ipahigayon kini.

Wala maapektohi sa padayong pagsaka sa kaso sa Covid sa dakbayan ang mga sakop sa Disaster Risk Reduction and Management Office (DRRMO) diin nakatala kini og 2 ka positibo kaniadto apan naka-recover a.

Sa pikas bahin gipahibawo ni Chan nga anaa na sa recovery stage ang iyang igsuong si Carungay.

Naghinaot siya nga hingpit na unya kining makabalik pagpanerbisyo sa mga Oponganon. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph