SUPERBALITA CEBU

Nasikop tungod sa kasong rape

GIHULAGWAY sa kapulisan nga sakop sa Sabalones drug syndicate ug gun-for-hire ang nadakpan sa dakbayan sa Lapu-Lapu.

Si Police Lieutenant Colonel Ricky Delelis, Regional Chief sa Regional Intelligence Unit (RIU) 7, kuyog ang mga operatiba lakip usab nga nikuyog sa operasyon ang mga sakop sa Lapu-lapu City Police Station nga miresulta sa pagkasikop ni Randy Lawaaan Ponce, hingkod ug molupyo sa Barangay Agus, Lapu-Lapu, kinsa gidakop sa tungod sa kaso sa pagpanglugos.

Apan gihimakak ni Ponce nga siya sakop sa Sabalones drug group ug walay kamatouran ang pagpanglugos nga gipasaka kaniya.

Matod ni Delelis nga si Ponce nalutsan og warrant of arrest nga giisyu Pebrero 17, 2021 ni Judge Ronald Caramba Tolentino sa Regional Trial Court Branch 73 sa Lapu-Lapu sa kasong lugos. Walay girekomenda nga piyansa sa korte.

Dugang ni Delelis nga sa ilang intelligence monitoring si Ponce, miyembro sa Sabalones group ug iyang gitumbok usab nga usa sa mga gun-for-hire sa namatay nga drug lord France Sabalones.

Dugang sa dinakpan. pagpangdaut sa iyang pagkatawo sanglit gibuhatbuhatan nalang siya og dautan aron lang nga moangkon siya sa usa ka binuhat nga maoy iyang gitoohan nga nagpasaka kaniya.

Ang dinakpan gibalhog sa selda sa Station 4 sa Lapu-Lapu City Police Station. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph