SUPERBALITA CEBU

Mitabang pakigbatok sa Covid-19 gipasidunggan

CHARTER DAY: Si Bise Mayor Michael Rama sa iyang pakigpulong atol sa 84th Charter Day sa Dakbayan sa Sugbo kagahapon, Pebrero 24. / Amper Campaña

GIPASIDUNGGAN sa Cebu City Government atol sa 84th Charter Day celebration kagahapon, Pebrero 24, ang mga foundation, korporasyon ug individual kinsa dako og natabang sa kampanya batok sa coronavirus disease (Covid)-19).

Napili usab nga mga Outstanding Department ang Office of the City Accountant (small category) ug Cebu City Medical Center (big category) nga gisaulog pinaagi sa virtual kun online.

Ang ilang tagsatagsa ka pangulo nga silang City Accountant Jerome Ornopia ug CCMC Hospital Administrator Yvonne Cania mao sab ang napili isip Outstanding Department Head.

Si Mayor Edgardo Labella nihatag nibutyag nga ang frontliners mao ang nagsilbing bag-ong bayani batok sa kaaway nga dili makita nga mao ang virus.

“Kung wala atong mga frontliners, dili gyud makapadayon ang atong dakbayan sa hinayhinay nga pagbangon nato pag-usab gumikan sa epekto sa pandemiya. Ania sab ta karon maka-celebrate sa atong Charter Day tungod kay nagtinabangay kitang tanan alang sa atong kaluwasan sa virus,” pulong ni Labella.

Lakip sa 11 ka korporasyon ug foundation nga gipasidungan mao ang Cristina Lee Dino Foundation, Philippine Spring Water Resources Inc. (PSWRI), Bigfoot Studios, Cebu-Cordova Link Expressway Corp. (CCLEC), SM Foundation Inc., Cebu Holdings Inc., Metro Pacific Tollways Corporation, Marino Partylist, Gokongwei Brothers Foundation, Jaime Ongpin Foundation ug Aboitiz Group of Companies.

Ang mga individual nga lakip sa Mayor’s Special Award mao ang silang Lt. Gen. Roberto Ancan sa Armed Forces of the Philippines, Raquel Bohol- Arce sa Probe, Dr. Gerardo Aquino Jr. sa VSMMC, Dr. Jaime Bernadas sa DOH 7, Engr. Lowell Corminal sa DEPW,

ret. Major Gen. Melquiades Feliciano (IATF Visayas) Gen. Albert Ignatius Ferro sa PNP, Cebu City Councilors Joel Garganera ug Donaldo Hontiveros, Col. Josefino Ligan sa CCPO.

Gipasidunggan silang Dr. Bryan Albert Lim, Dr. Michelle Linsalata sa City Health, Mr. Edmun Liu sa Bayanihan Cebu, Dr. Mary Jean Loreche sa DOH 7, Grace Luardo sa Ceset, Atty. Mary Rose Lubino sa Mayor’s Office, Engr. Editha Peros sa CCenro, Atty. Jocelyn Pesquera , ug Cebu City Councilors David Tumulak ug Phillip Zafra.

Usa ka simple nga selebrasyon ang gidalit sa City Government diin adunay hamubo nga programa sa estatuwa ni Don Vicente Rama kinsa maoy nagpasar og balaod sa Senado para mahimong siyudad ang Cebu niadtong 1937.

Ang tema karong tuiga mao ang “Interwoven with Faith; Strengthened by Unity: Celebrating the Cebuano Resiliency,” nga nagkahulogan nga taliwa sa pandemiya, ang mga Sugbuanon mosukol pinaagi sa panaghiusa ug pagtuo nga mabuntog ang katalagman nga nihasol sa tibuok kalibotan. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph