SUPERBALITA CEBU

Ferro bag-ong CIDG chief; mga most wanted target

Police Brigadier General Albert Ignatius Ferro (File photo)

Bag-ong milingkod nga director sa Criminal Investigation and Detection Group nga kanhi hepe sa Police Regional Office 7, Police Brigadier General Albert Ignatius Ferro, nibahad sa mga regional chief nga parelibohan kon dili mopakitag labok sa ilang trabaho.

Hingpit na nga milingkod isip director sa CIDG si Ferro human itudlo ni Philippine National Police Chief General Debold Sinas.

Matod ni Ferro nga sa iyang pagdumala sa CIDG lukop nasud, iyang patutukan sa iyang mga personnel ang pagpangita sa mga most wanted criminal nga wa pa madakpi.

Lakip sa iyang mando mao ang pag sulbad sa eight focus crimes sa nasud, pagpatuman sa kamandoan ni Sinas ug pagpuhag sa mga criminal gang nga responsabli sa tanang krimen sa matag lokalidad.

“Kung ano yung instruction ni Chief PNP ay ating susundin, at base sa kanyang policies, ay nakatutuk tayo sa mga eight focus crimes wherein tayo ay mag ka-conduct ng extensive ng mga mag-launch ng different operations para sugpuin ang mga criminal gangs and of course ang ating main task is to fight yung economic sabotage,” matod ni Ferro.

Sulod lang sa 24 ka adlaw nga paglingkod, si Ferro daghan nag nahimo sama sa pag sikop sa most wanted persons sanglit ang ilang buhatan maoy gitahasan niini.

Gitinguha usab niya nga mahimong hanas sa imbestigasyon ang tanang personnel sa CIDG-7.

Iyang ipaubos sa seminar sa epektibo ug sakto nga pag imbestigar sa usa ka kaso.

“Actually, marami tayong gustong gawin. One of which is i-professionalize yung investigative unit sa Central Visayas kaya tayo ay babalik sa basic and yung ating mga priority din sa central visayas ay the same pa rin,” dugang ni Ferro.

Sama sa iyang pag-abot sa Sugbo sa dihang milingkod siya isip hepe sa PRO 7, ang iyang mando sa tanan niyang sakop mao ang no take policy gikan sa mga illegal nga negosyante ug illegal nga drugas.

Buot pasabot di modawat og payola.

Usa lang ang iyang gipangayo sa mga regional chief, motrabaho sila sa gitahas kanila aron di mahulipan.

“Isa lang ang hinihiling sa kanila na mag perform sila sa given task nila. Wherein yan po yung dapat nilang ipakita para sila ay manatili sa kanilang mga pwesto."

Naila si Ferro sa iyang pagpanudlo kon unsay angay nga buhaton.

Nasuwayan na usab kini sa dihang tipik sa iyang pagka opisyal sa PRO 7 mao ang pagpa kunhod sa mga kaso sa Covid-19 sa Central Visayas. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph