GIISYUHAN og citation tickets sa mga traffic enforcer sa Traffic Enforcement Agency of Mandaue (Team) ang mga truck driver sa container trucks nga nagkalapok ang mga ligid sa paggawas sa highway.
Ang operasyon gipahigayon sa F.E. Zuellig St. sa Huwebes sa buntag, Pebrero 25, 2021.
Ang di paghugas sa mga ligid nga nagkalapok kalapasan sa Section 2 sa City Ordinance no. 14-2017-1223, matod sa Team.
Gipasar sa Konseho ang ordinansa human sa daghang mga reklamo sa publiko sa kaabog sa dalan tungod sa nangaugang mga lapok dala sa mga trak.
Sa iyang termino, si kanhi mayor Luigi Quisumbing nimando sa mga trucking company sa pagtaud og washers ug high pressure nga mga hose aron paghugas sa mga ligid sa ilang mga trak sa di pa mogawas sa mga highway. (KFD)