Dili manuwa kay gidid-an mag-bikini

Duha ka beach volleyball stars nga miyembro sa German national team ang planong mo-boycott sa dako nga torneyo nga ipahigayon sa Qatar tungod dili uyon ang host country sa pagsul-ob og skimpy bikini inig duwa.

Si Karla Borger, 32, ug si Julia Sude, 33, mao unta ang mo-representar sa German national team alang sa FIVB World Tour event sa Qatar sa sunod buwan.

Apan tungod sa bikini ban plano sa duha nga di lang mosalmot sa maong duwa, matod sa report sa TMZ.

Ang rason sa duha ka volleyball stars mao ang kainit sa panahon sa Qatar nga posibleng moabot sa 30 degrees Celsius karong Marso.

Mao kini ang unang higayon nga mo-host ang Doha, Qatar og women’s beach volleyball event human sa pito ka tuig nga pag-host niini sa men’s volleyball beach competition.

Si Borger ug ang iyang partner nga si Sude mao ang usa sa mga inilog nga teams sa maong torneyo isip mga beterano ug kanhi silver medalist sa beach volleyball world championships.

Matod sa mga taho nga ang host country mihangyo sa mga volleyball players nga magsul-ob og shirts ug karsones, sukwahi sa naandan nga bikini agig respito sa kultura ug tradisyon sa Muslim country.

Giklaro sa Qatar Volleyball Association sa report sa torontosun.com nga wala sila magdili sa mga players nga mosul-ob sa naandan nga bikini, apan mihimo lang sila og request nga kon mahimo ba kini sa mga players.

“We would like to make clear that we are not making any demand on what athletes should wear at the event,” matod sa ilang opisyal nga pamahayag. (RSC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph