Dul-an P2 milyones nga balor sa shabu ang nasakmit sa sunodsunod nga anti-illegal drug operationsa sa kapulisan ug 18 ka mga durugista ang nadakpan.
Ang maong anti-illegal drug operation sulod lang sa usa ka adlaw ug tunga nga gipatuman sa kapulisan.
Ang mga nadakpan sila si Dennis Earl Pasco, 24, molopyo sa Sityo San Miguel sa Barangay Lorega sa Siyudad sa Sugbo.
Nakuhaan og 32 gramos nga shabu nga mobalor og P217,600 ang nasakmit kang Pasco, kinsa nassikop sa Parian Police Station 1, kaadlawon sa Pebrero 24, 2021.
Laing durugista ang nadakpan sa susamang adlaw sa Sityo Kalinaw sa Barangay Carreta, Siyudad sa Sugbo nga si Arturo Ampalayo, 32, kinsa nakuhaan og 7 ka gramos nga shabu ug cash nga kapin sa P40,000.
Hapon sa Pebrero 24, nadakpan usab si Anna Marie Bernal, 43, ug Jeppy Navarro, 36. Ang duha pulos molupyo sa Sityo Puntod sa Barangay Mambaling.
Ang mga operatiba sa Mambaling Police Station 11 nakakuha og mga pakete sa shabu.
Samtang, dugang tulo ka mga durugista ang nadakpan sa mga operatiba sa Labangon Police Station 10.
Sila si Rodolfo Luna, taga Sityo Lutaw-lutaw; Reynante Alquizar, 35, taga Sityo Labsalex sa Barangay Labangon; ug Reggie Mañego, 24, molopyo sa Sityo Silangan 2 sa Barangay Tejero.
Matod ni Police Major Janelito Marquez, hepe sa Labangon Police Station 10, nasakmit sa ilang tulo ka hugna nga pagpangdakop moabot na sa P238,000 ang tanan nga nakuha nga shabu.
Samtang, duha usab ka mga durugista, nga nangyawat sa P10 nga suhol, ang nadakpan sa mga operatiba sa Pardo Police Station 7.
Ang mga nadakpan nga sila Joan Fernandez, 26, ug Kevin Bangkol, 18, pulos molopyo sa Poblacion Pardo. Nasakmit sa duha ang gibanabana sa 5 gramos nga shabu nga balor o P34,000.
Laing duha ang dinakpan sa Barangay Guadalupe ug dugang lima ang nadakpan sa Duljo Fatima nga gihulagway sa kapulisan nga top 10regional high value individual. / BBT