SUPERBALITA CEBU

Gwen nalipay sa suporta sa DILG biyaheng lugak

BAMBOO FOREST: Si Gobernador Gwendolyn Garcia (ikaduha gikan sa wala) mipahigayon og press conference sa man-made bamboo forest sa Medellin, amihanang Sugbo. / CAPITOL PIO

Gihangop ni Cebu Governor Gwendolyn Garcia ang pag-endurso ni DILG Undersecretary Epimaco Densing III ngadto sa Inter Agency Task Force (IATF) nga wa nay medical certificate ug travel authority nga kinahanglanon kon mobisita sa tourist destinations sa Lalawigan sa Sugbo.

Kini human giklaro ni Densing nga nagkomedya ra siya sa pangutana sa usa ka tigbalita kon unsay buhaton sa buhatan sa kasamtangan nga kamandoan sa Probinsya sa Sugbo.

“First of all, I would like to thank Usec Densing for putting an end to the confusion. I wish to thank him further for even going beyond what we have now started in recommending the taking out of medical certificate and travel authority that is really for (authorized persons outside residence) Apor,” matod ni Garcia sa Pebrero 25 nga press conference.

Sa uwahing kamandoan ni Garcia, wala na gikinahanglan ang real-time reverse transcription polymerase chain reaction (rRT -PCR) test sa tanan nga mga turista.

Apan kinahanglan na lang mao ang medical certificate, confirmed booking ug pagpasar sa health screenings.

Si Garcia nagkanayon nga way gisupak nga kamandoan ang probinsya sanglit ang maong paagi nalatid ug wala gidili sa bag-ong guidelines sa IATF.

Si Densing gikatakda nga mosugyot karon, Pebrero 26, sa IATF nga tangtangon na ang pag-require sa medical certificate ug travel authority sa mga mobiyahe ubos sa MGCQ ug GCQ areas.

Atol sa press conference ni Garcia sa lungsod sa Medellin, iyang gipahibaw nga giandam na sa kagamhanan ang mga tour packages nga naglakip na sa eroplano, tourist destination ug puy-anan nga gi-accredit na sa Department of Tourism (DOT-7).

Gipasabot ni Garcia nga ang pag require og medical certificate inanay nga paagi subay sa estrikto gihapon nga pagpatuman sa minimum health protocol pagsiguro nga malikay sa pagtakboy sa coronavirus disease (Covid-19) ang mga turista.

“Nganong kinahanglan paman ang medical certificate pagpasud? Akong giingnan hinay-hinay lang sa ta kay para let us transition slowly. But now, if secretary Densing will recommend to that, well in the IATF guidelines, there is no such. Ato na nga studyohan how this goes.”

Samtang aron usab nga dili magkagubot ang skedyul sa curfew sa kalungsoran sa Probinsya, usa ka kamamdoan luwatan ni Garcia aron magtumong na ang oras sa curfew sa tibuok Probinsya.

“The greater good for the greater number and the greater number are those that need now to get back on their feet, that need now to recover their livelihood, their jobs, to reopen their businesses. Mao na kay turismo man ang usa sa atong major economic drivers of the Province of Cebu, suportahan ta gyud ni. Mga Sugboanon, Cebu is moving on,” matod ni Garcia.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph