SUPERBALITA CEBU

3 nangawat sa kombento sa St. Joseph nakonsensiya, nagpadakop

Tampo sa Talisay City Police Office

KADTONG tulo ka mga kawatan nga ningsulod sa kumbento sa St. Joseph Parish sa Barangay Tabunok, Dakbayan sa Talisay sa milabay nga adlaw, nadakpan sa mga pulis sa dakbayan sa wala pay 24 oras gian sa hitabo.

Kini human nga nakahukom ang tulo nga magpadakop nalang sa mga pulis dihang giingong nahadlok sila sa Ginoo ug nakonsensiya sa ilang pagpangawat.

Si Police Lieutenant Colonel Gerard Ace Pelare, hepe sa Talisay City Police Station, niila sa nadakpan nga si Jeymar Mahilum, 21, taga Sityo Mananga 2, Tabunok.

Ang laing duha nagpangidaron og 15 ug 14 ug pulos molupyo sa Barangay Tabunok, Talisay.

Atol sa pagkasikop sa tulo, si Pelare nagkanayon nga ang duha ka mga minor de edad nitug-an nga nahadlok sila sa Ginoo rason nga nagpadakop nalang sila.

Sa pagkadakop sa tulo, gidunol usab sa usa sa minor de edad ang kwarta nga mobalor sa P3,000 nga maoy nahabilin sa dul-an P50,00 nga nasakiyo niining tulo.

Kining tulo nabulabog tungod ang ilang mga dagway migimaw sa CCTV camera footage.

Si Jeymar nihimakak sa pasangil batok na kaniya kalabot na sa pagpangawat. Depensa ni Mahilum nga nagngalan og Johem kinsa maoy nagdala kanila aron mangawat. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph