SUPERBALITA CEBU

Sugbo, Central Visayas magpabilin sa MGCQ

SunStar File

Makapanghupaw na og lawom ang Central Visyas, labina ang Sugbo, human ang Department of Health (DOH) 7 malampuson nga nakakombinser sa ilang ulohang buhatan pinaagi sa data aron mamintinar ang modified general community quarantine (MGCQ) sa rehiyon.

Ang MGCQ status sa Sugbo mapupos unta sa Pebrero 28.

Si DOH 7 spokesperson ug chief pathologist Dr. Mary Jean Loreche niingon nga ang rehiyon magpabilin sa MGCQ human sa Pebrero 28.

Sila si Loreche ug mga opisyal sa DOH 7 nakigtagbo sa mga opisyal sa Technical Advisory Council (TAC) sa DOH central office sa Biyernes, Pebrero 26, 2021, human hatagi ang rehiyonal nga buhatan hangtod sa Biyernes sa pagtubag sa kasamtangang sitwasyon sa Covid-19 sa Sugbo aron magpabilin ang MGCQ status sa rehiyon.

Pipila ka mga sakop sa TAC ningrekomendar sa pagbutang sa Sugbo ubos sa enhanced community quarantine (ECQ) tungod sa nagsakang gidaghanon sa mga kaso sa Covid-19, labina sa Cebu City ug mutations of concern sa Sars-CoV-2, kagaw nga nagdala sa coronavirus disease.

Ang Siyudad nag-average og 190 ka mga kaso sa Covid-19 matag adlaw.

Ang ECQ mao ang labing taas ug labing estrikto nga quarantine level.

Pipila lang ka mga negusyo ang gitugtang makabukas ubos sa ECQ nga giisip nga lockdown kay kadto rang essentials ang tugtan sama sa namaligya og mga pagkaon, tambal ug uban pang magsilbe sa nag-unang mga panginahanglan.

Sila si Gobernador Gwendolyn Garcia, Cebu City Mayor Edgardo Labella, Mandaue City Mayor Jonas Cortes, Lapu-Lapu City Mayor Junard Chan ug Talisay City Mayor Gerald Anthony Gullas puro supak sa lockdown.

Alang kanila mosamot kalisod ang kahimtang sa katawhan nga nag-ilaid na sukad sa pagsugod sa pandemya sayo sa 2020.

Mosamot usab kadaut ang mga negusyo kay daghan ang masirhan ubos sa ECQ ug mawagtangan og trabaho ang daghang mga trabahante.

Si Garcia kusganong nagduso sa bukas nga turismo sa Sugbo pinaagi sa pagpaluag sa travel restrictions.

Matod sa mayor nga dakong bahin sa ekonomiya sa Sugbo nagsalig sa turismo.

Niadtong 2019, dul-an sa 10 million ka mga turista ang nanuaw sa nagkadaiyang tourist spots sa Sugbo. (JOB, REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph