Motor nasangit sa prime mover, 2 tipi

Hulagway iya sa M'Lang Municipal Police Station
Hulagway iya sa M'Lang Municipal Police Station

DUHA ka motorista ang namatay sa dihang nabalintong ang gisakyan nga motorsiklo sa kalsada human nasangit sa prime mover truck niadtong Huwebes sa buntag didto sa M'lang, North Cotabato.

On the spot nga namatay si Berly Placenia Diwaten samtang dead on arrival sa balay tambalanan si Emiliano Tedios Esog, pulos molupyo sa Prime Land Subdivision, Barangay Mabuhay, General Santos City.

Sa taho gikan sa M'lang Municipal Police Station, nasayran nga sakay ang mga biktima sa motorsiklo gikan sa General Santos City ug paingon unta sa Bukidnon.

Pag-abot nila sa Barangay Nueva Vida sa nahisgutang lungsod, misulay unta og overtake kini sa prime mover truck apan wala nila mabantayi ang gitapok nga balas sa giayong kalsada hinungdan nga nabalintong ug nisangit prime mover.

Si Diwaten didto nalagpot sa truck ug nalatayan sa ligid niini hinungdan sa iyang hinanaling kamatayon.

Samtang si Esog gisulayan pa unta og hatud ngadto sa M'lang District Hospital apan gideklara siyang dead on arrival.

Hinuon, mitahan sa kaugalingon ang drayber sa prime mover didto sa M'lang Municipal Police Station. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph