SUPERBALITA CEBU

Illegal parking no. 1 nga suliran sa Mandaue City sa ilang road clearing

ILLEGAL parking ang nag-unang suliran sa Dakbayan sa Mandaue sa iyang ikaduhang hugna sa road clearing operation nga gimando sa Department of the Interior and Local Government (DILG).

Si Ernesto Bongo, operations head sa Mandaue City Enforcement Unit (MCEU), niingon nga niadtong 2019, daghan pa ang nakababag sa kadalanan sa dakbayan sama sa encroachment sa mga balay, tindahan ug atop.

Apan karon, wala na ang sama nga mga mga babag kay gipulihan sa illegal parking.

Sigon ni Bongo nga ang sunod nga ilang tutukan mao ang illegal parking tungod kay daghan pa sa kadalanan sa dakbayan.

Sila nabalaka nga maibanan ang grado sa dakbayan. Hinuon sa unang assessment sa DILG, “high compliance” sila sa road clearing operation.

Sa Enero, ang nahawan sa dakbayan naglangkob sa 480 illegal parking, 96 vending machine, 73 nga gitapok nga materyales, 59 ka mga stall ug 10 ka mga vulcanizing shop.

Samtang sa Pebrero 1-19, ang nahawan sa dakbayan mao ang 310 ka illegal parking, 28 ka vending machines, 11 nga gitapok nga mga materyales sa konstruksyon, 28 ka mga stall, ug pito ka mga vulcanizing shop.

Pebrero 23, gisusi sa DILG-Cebu City ang mga dalan P. Gomez, W.O. Seno, C.D. Seno, A. del Rosario, A. Rosal., P. Burgos, M.U. Seno., S.B. Cabahug, F.B. Cabahug ug F.S. Rosal.

Kining mao nga mga dalan anaa sa Barangay Guizo, Mantuyong, Ibabao-Estancia, Alang-Alang, ug Centro, nga anaa sa sentro sa dakbayan ug gitawag nga “busy” nga lugar.

Si Edwin Jumao-as, pangu sa MCEU, niingon sa Superbalita Cebu nga sa final validation nga gipangulohan sa DILG sa Cebu City, nagsulti kanila nga high compliance ang ilang pagtuman sa road clearing. Apan, giklaro ni Jumao-as nga kinahanglan pa silang magpaabot sa DILG Central Office nga moanunsyo sa ilang grado. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph