2 ka andana sa CCMC buksan

BUKSAN: Target karon sa administrasyon ni Mayor Edgardo Labella ang paghuman sa ikaduha ug ikatulong andana sa Cebu City Medical Center (CCMC) sa di pa ang Abril 2021. / AMPER CAMPAÑA
BUKSAN: Target karon sa administrasyon ni Mayor Edgardo Labella ang paghuman sa ikaduha ug ikatulong andana sa Cebu City Medical Center (CCMC) sa di pa ang Abril 2021. / AMPER CAMPAÑA

USA nalang ka buwan ang pag-antos, maabli na ang ikaduha ug ikatulo nga andana sa bag-o ug moderno nga Cebu City Medical Center (CCMC).

Kini ang gipadayag ni City Administrator Floro Casas Jr., kinsa maoy gitahasan ni Mayor Edgardo Labella sa pagsiguro nga mapaspasan ang pag-istalar sa gikinahanglan nga mga gamit sa maong tambalanan nga gikatakdang mahuman sa di pa ang Abril.

Niadtong Disyembre 28, 2020, si Labella nipaabli sa ground floor alang sa out patient department.

Kay lapad ang dapit, hamugaway na ang serbisyo sa OPD.

Ang City Government nigahin og P100 milyones alang sa pag-istalar sa mechanical, electrical ug architectural nga bahin alang sa unang tulo ka andana nga kadaghan na naoktaba ang pag-abli.

Si CCMC Hospital Administrator Yvonne Cania nagkanayon nga maka-accomodate og 150 ka pasyente ang unang tulo ka andana gikan sa 600-bed capacity nga ospital.

Base sa orihinal nga plano, moabot sa 10 ka andana ang edepisyo.

Ang administrasyon ni Labella plano nga tiwason ang ika-7 hangtod 10 ka andana sulod sa iyang termino.

Ang edipisyo gisugdan pagtrabaho niadtong 2015 atol sa administrasyon ni kanhi mayor ug karon Bise Mayor Michael Rama apan wala na kini gipadayon niadtong 2016 dihang nihulip si kanhi mayor Tomas Osmeña kaniya. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph