GIHULIPAN ni Indiana Pacers forward Domantas Sabonis si Nets superstar Kevin Durant sa Brooklyn Nets para sa 2021 All Star nga ipahigayon karong Marso 8, 2021 didto sa Atlanta.
Kini maoy ikaduha All Star appearance ni Sabonis human siya gipili ni Commissioner Adam Silver kinsa nag-average og 21.5 points nga iyang career high ug 11.7 rebounds ug 5.7 assists para karon nga season.
Iyang ikauban silang NBA All-Stars Giannis Antetokounmpo sa Milwaukee Bucks, Nikola Jokić sa Denver Nuggets ug Julius Randle sa New York Knicks kinsa pulos nag-average og labing minos 20.0 points, 10.0 rebounds ug 5.0 assists kada duwa.
Si Sabonis usa ka five-year NBA veteran gikan sa Lithuania ug ikaduha sa NBA pinaagi sa double doubles nga adunay 24 ug tulo ka triple doubles.
Si Durant dili moduwa sa All Star gumikan sa iyang hamstring injury kinsa wala nakaduwa sa miaging unom ka duwa sa Nets ug nag-average og 29 points ug 7.3 rebounds, 5.3 assists sa 2020-2021 season. (PAC)