Kai Sotto makaduwa gyud para sa Pinas?

POSIBLE nga moduwa si 7”3’ Kai Sotto sa Gilas Pilipinas para sa Olympic Qualifying Tournament didto sa nasod sa Japan.

Kon mahitabo, iyang ikauban si Ange Kouame kinsa naturalized player sa Pinas aron hatagan og dakong tsansa ang nasod nga makabalik sa Olympics.

Si Sotto wala na karoy team sa NBA G League sanglit dili na siya paduwaon sa Ignite nga maoy iyang team kinsa nagduwa karon sa bubble set up didto sa Florida.

Gumikan si Kai mamahimong mouli sa Pilipinas ug mopakita sa iyang abilidad nga nakat-onan didto sa iyang training sa Amerika para sa third window sa 2021 Fiba Asia Cup qualifiers.

Ang Samahang Basketbol ng Pilipinas (SBP) subling nipadayag sa ipang suporta ni Sotto kinsa maoy UAAP Juniors MVP sa Season 81 kinsa gipasaligan nga nakasuporta kanunay ang nasod sa iyang tinguha.

“The same is true for any Filipino basketball players chasing their dreams on the international stage. Whatever may happen to their respective paths, they can always be sure that the SBP will be there to provide them a stage where they could perform for their Filipino fans,” matod sa pamahayag sa SBP.

Ang Gilas aduna nay lehitimo nga twin tower uban ni Kouame para sa dakong tsansa sa Pilipinas nga makasulod sa quarterfinals.

Maghatag usab kini og agianan para mailhan si Sotto sa tibuok kalibotan sanglit nakatutok ang tanang nasod sa maong torneyo. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph