PANAGBANGI nilang Janno Gibbs ug Kitkat, komediya, binuang, gimik o tinuod? Mao ni atong gibati mahitungod sa awayan karon aning duha ka komedyante.
Sa primero feel nako nga komedya o binuang lang kini hilabi na nga parehong komedyante ang nalambigit niini, nag-tuo sab ko nga gimik lang sa ilang programa hangtod nga daghan na kaayong nanggawas nga tsika mahitungod niini.
Pero unsa man gyud ang kamatuoran niining panagbingkil sa duha? Una nga napagya mahitungod kang Kitkat ug sa mga post ini nga mga pasumbingay.
Hangtod nga migawas ang balita nga nakapa-okay sa tanan kay lagi atol sa taping sa ilang programa gibalikas daw ug gitulisok pa ni Janno si Kitkat?
Naa pay tsika nga gilabay ang mikropono ug dayong lakaw ni Janno? May nadunggan pa ta nga naapil ang ngalan ni Marco Sison isip saksi nga maoy bisita sa ilang programa?
Nagpakonsulta na usab si Kitkat sa abogado mahitungod maong panghitabo.
Kining tanan atong ginuntan kay mao man kini ang init nga isyu karon, apan may ni gawas sab nga balita nga gitangtang na sa maong programa si Kitkat? Hinuon wala koy nakita nga bag-ong post sa komedyante.
Apan kon tinuod man gani kini may dakong sayop siguro nga nabuhat ang komedyante kay gikan man kini mismo sa ilang gibuhat nga imbistigasyon.
Sa atong nahipos nga kasayuran kay may nasulti kuno si Kitkat ngadto kang Janno nga wala ma-uyoni sa komedyante.
Basta sa akong tan-aw mahitungod sa “respeto” ang dakong hinungdan sa ilang panagbangi, Ay’g Saba!
* * *
Daghang mga pangutana ang mga netizen kon unsa katinuod nga si Julia Baretto ang nakita sa usa ka litrato nga nag-viral nga mibisita sa pribadong resort nilang Gerald Anderson sa Zambales?
Kon tinuod man gani kini o dili silang duha ra gyud ang makatubag niana apan sa ako lang dili na lang nato pangitaan og ngil-ad nga interpretasyon kini kay sa tinuod lang pareho man silang dalaga ug ulitawo, di vah, Ay’g Saba!
* * *
Nia pay lain bisan og mipahibawo silang Ellen Adarna ug Derek Ramsay nga managhigala lang sila, dili gyud mapugngan sa uban nga kiligon kon makita ang duha maski sa mga litrato lang.
May mga higala pa gani ang Derek nga padayong nag-sungog sa duha nga may gitagong relasyon.
May mga gipang-repost pa ang Ellen gikan sa suod nga higala ni Derek nga “in love iyang bff” ug “perfect match” ang duha.
May padulngan kaha nga relasyon ang panaghigala nilang Ellen ug Derek? Ay’g Saba!