Pagbalik-lantaw sa karaang Sugbo
Usa ka forum nga magtuki sa karaang Sugbo bahin sa makapinit nga pagkaon, hilo ug pagpanambal sa precolonial Visayas ang ipahigayon karon, Pebrero 28, sa Palm Grass The Cebu Heritage Hotel, alas 3:00 sa hapon.
Usa ka historian, medical doctors, ug traditional healer o tambalan ang mohimo og lawom nga pagsusi bahin sa pagkaon nga instrumento sa resistance o pagsupak, pagpanambal ug kalingawan sa precolonial Visayas gisagol sa forum uban sa cooking demonstration.
Sa kadaugan sa Mactan 500 ka tuig ang nakalabay, dunay hilo nga bangkaw ang lakip sa armas sa mga nitibo, samtang sa 565, ang paghikaw sa pagkaon maoy gigamit sa pagsupak sa pagpanakop sa Espanyol.
Ang makapainit nga pagkaon kabahin na sa tambal nga pagkaon sa mga nitibo pagatukion ni “Lami ug Palami.. Aphrodisiacs, Poisons, and Healing in Precolonial Visayas 500 years ago.”
Si Dr. Rolando Borrinaga, Visayas historian ug professor sa University of the Philippines (UP), magtuki bahin sa diet sa nitibo sa Visayas sa precolonial times.
Si Dr. Romeo Quijano, usa ka herbalist/pharmacologist/toxicologist ug kanhi professor sa UP College of Medicine, magtuki sa mga medisina ug hilo nga ginamit sama sa mga tanom nga gigamit sukad sa precolonial times.
Si Dr. Oliver Gimenez, presidente sa Association of Municipal Health Officers of the Philippines - Cebu Province, motuki sa kon giunsa sa komunidad sa Sugbo or Cebu nga nagpraktis sa traditional healing ug kon ang mga tawo sa pagkuha sa nutritious diet sa karaan panahon.
Usa ka traditional healer (tambalan) sa Naga City, Cebu motuki sa traditional healing methods nga gigamit sa dugay na nga katuigan.
Ang Palm Grass’ Kapihan ni Lumaya Chef Janilyn maoy mopresentar sa mga paborito nga Sugbuanon nga paboritong pagkaon.
Kini nga kalihokan co-sponsored sa Department of Education (DepEd) sa Region 7, Department of Health - National Nutrition Council, Local Government Unit sa Naga City, Diyandi Heritage Center, Museo Sugbo, ug ang Central Visayas Association of Museums.
Kini himuong live streamed pinaagi sa official Facebook page sa Palm Grass The Cebu Heritage Hotel ug ang event sponsors.
Ang forum usa ka kalihokan sa “Lamoy sa Tuig 5 sa Kapihan ni Lumaya” nga nag-feature sa unlimited pungko-pungko ug bangga sa pag-inom og tuba, pagkaon og pizza ug pagkompleto sa lyrics o tagik. (PR)