SUPERBALITA CEBU

Barrita: Way lockdown sa Sugbo

Tikdul-Tikdol

WA madayon ang gikabalak-an nga ibalik ang tibuok Sugbo ubos sa istrkito nga lockdown tungod sa nisaka nga mga kaso sa Covid-19. Ang nahitabo, magpabilin ang Sugbo ubos sa modified general community quarantine (MGCQ) hangtod sa Marso 15.

Kusganong gisupak ni Cebu Gov. Gwendolyn Garcia ang lockdown. Matod pa niya, “Don’t mess with us. We can take care of ourselves. I will not and never again accept lockdown. I will fight for Cebu and the Cebuanos because Cebu is moving on and moving forward.”

Nisunod sila si Cebu City Mayor Edgardo Labella ug Mandaue City Mayor Jonas Cortes. Matod pa ni Labella, “We will not resort to locking down the entire city. No way will we impose a lockdown.” Matod pa ni Cortes, “In the opinion of the mayor (siya na), we would never survive another lockdown economically.”

Nagpasalamat ni Labella nga misalig ang kadagkoan sa katakus sa Kagamhanan sa Siyudad sa Sugbo sa pagkontrolar sa pagkatap sa coronavirus disease 2019 (Covid-19) nunot sa pagsaka sa mga kaso niini dinhi sa siyudad.

Matod pa niya nga bisan ang siyudad ubos sa MGCQ, gitratar ang mga health protocol sama sa anaa kita sa mas taas nga level sa kurintinas. Angay natong probahon, matod niya, nga sakto ang kadagkoan sa ilang pagsalig kanato.

Tungod niini, matod pa ni Labella, magpabiling sirado ang mga sinehan, mga buwangan ug mga concert hall aron kalikayan ang pagpundok sa daghang mga tawo. Mao ra ba nay ampay kaayo sa coronavirus.

Apan atong makita nga kinahanglang balansehon sa kadagkoan ug mga opisyal sa kagamhanan ang mga paagi sa pagkontrolar sa coronavirus ingon man sa pagpabangon sa ekonomiya nga mas labing nakaapekto sa mga kabus ug timawa.

Dinhing dapita, atong makita ang liderato ni Governor Gwen sa pagsupak niya sa lockdown kay iyang nakita ang sangpotanan niini. Matod pa niya, “Lockdowns don’t work well. They work against the economy. They disrupt the economy to the detriment of the poor.”

Sa pagsugod sa Covid-19, ang tanang mga mando gikan sa taas. Mas maayo tingali nga mokonsulta sab sila sa mga lider sama ni Governor Gwen. Karon nga gisupak ni Gov. Gwen ang swab test sa mga turista, ang Department of Interior and Local Government niingon man nga okay ra.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph