GUSTO ni San Miguel Corporation sports director Alfrancis Chua nga magdugay si Calvin Abueva isip usa ka sakop sa Magnolia Ang Pambansang Manok Hotshots sa Philippine Basketball Association (PBA).
Mao kini ang gibutyag ni Abueva sa miaging adlaw human sa labing una niyang pag-apil sa praktis sa Magnolia.
Matod ni Abueva, nga sa ilang panagsulti ni Chua, giingnan siya niini nga kon mahimo magpabilin siyang sakop sa Magnolia hangtod sa iyang pagretiro.
“Sabi niya sa akin, mas gusto ko, dito ka na mag-retire. Kasi dito, mas alaga ka,” matod ni Abueva sa interbyu sa The Chasedown nga napatik sa Spin.ph.
Adunay kagahapon sila si Abueva ug Chua nga nagkabikil silang duha niadtong 2014 diin niadtong higayuna, si Chua mao pa ang team manager sa Brgy. Ginebra Gin Kings.
Hinuon, daling nahapsay ang tanang isyu kabahin sa duha human nabalhin si Abueva sa Magnolia gikan sa Phoenix Super LPG Fuel Masters.
Giangkon ni Abueva nga gikulbaan siya sa labing una niyang pakighimamat og balik ni Chua.
“Ako nung time na ‘yun, talagang kinakabahan ako. May nangyari sa akin sa past. Siyempre, biggest company ‘to. More of winning championship ‘tong mga ‘to. Sabi ko naman, I’ll give my best. Kung ano ‘yung ginawa ko nung bubble, dodoblehin ko pa,” asoy ni Abueva.
Mapasalamaton si Abueva nga gihatagan gihapon siya ni Chua og kahigayunan taliwala sa nahitabo kanila kaniadto.
“’Yun naman ang pinagpapasalamat ko kay Boss Al na hindi na siya nagfa-flash back sa nangyari. Going forward na siya Sabi niya sa akin, basta ‘yung ginagawa mo nung bubble, ‘yun ang pagpatuloy mo,” dugang ni Abueva.
“Sabi niya, basta ayusin mo trabaho mo dito, gaganda buhay mo.”
Si Abueva maayo'g kinaiya nga gipakita sulod sa korte atol sa bubble event. (ESL)