Mga bakuna batok Covid miabot

■ MIABOT NA: Mitugpa ang usa ka abyon gikan sa mainland China nga nagdala sa Sinovac vaccine batok sa coronavirus disease (Covid-19) sa Villamor Air Base sa Pasay City sa Dominggo sa hapon, Pebrero 28, 2021. Ang mga bakuna maoy labing unang miabot dinhi sa nasod, tipik niini dad-on sa Sugbo ning semanaha alang sa mga frontliner. Estorya sa pahina 2. / gikan sa NTF AGAINST COVID-19)
■ MIABOT NA: Mitugpa ang usa ka abyon gikan sa mainland China nga nagdala sa Sinovac vaccine batok sa coronavirus disease (Covid-19) sa Villamor Air Base sa Pasay City sa Dominggo sa hapon, Pebrero 28, 2021. Ang mga bakuna maoy labing unang miabot dinhi sa nasod, tipik niini dad-on sa Sugbo ning semanaha alang sa mga frontliner. Estorya sa pahina 2. / gikan sa NTF AGAINST COVID-19)

NADAWAT na sa Pilipinas ang unang batch sa mga bakuna batok sa coronavirus disease 2019 (Covid-19) sa Dominggo sa hapon, Pebrero 28, 2021, usa ka tuig kapin human gitaho ang unang kaso sa pagtakod ug unang kamatayon sa mananakod nga sakit gawas sa China.

Ang shipment naglangkob sa 600,000 ka doses sa Sinovac Biotech’s CoronaVac vaccine batok sa Covid-19, gidonar sa People’s Republic of China.

Tipik sa mga bakuna dad-on dinhi sa Sugbo alang sa mga frontliner sa Vicente Sotto Memorial Medical Center (VSMMC), matod sa Department of Health (DOH).

Niabot kini luwan sa Xi’an Y-20 military plane gikan sa China nga nitugpa sa Villamor Air Base (VAB) mga alas 4 sa hapon, wa pay semana human ang Food and Drug Administration niisyu og emergency use authorization (EUA).

Si Presidente Rodrigo Duterte nangu sa mga opisyal sa pagdawat sa mga bakuna nga naggamit sa inactivated Sars-CoV-2, kagaw nga nagdala sa Covid-19.

Gitan-aw ni Duterte ang crates nga gisudlan sa mga vial sa bakuna atol sa ceremonial turnover.

Ang Sinovac ihatag sa duha ka doses nga maggintang og duha ka mga adlaw alang sa maayog lawas nga mga tawo, nagpanuigon og 18 ngadto sa 59 anyos.

Nakaplagan kini nga 100 porsyentong epektibo sa pagsanta sa grabeng Covid-19 ug hospitalization ug 78 porsiyentong mosanta sa mild ngadto sa moderate nga simtomas sa sakit.

Ang pagbakuna, nga voluntary, gitakdang sugdan karong adlawa, Marso 1, kansang prayoridad mao ang medical frontliners dayon ang armadong kusog.

NAGPASALAMAT

Si Duterte nipasalamat sa China sa gidonar nga bakuna ug nidasig sa mga Pinoy sa pagpabakuna.

“To my fellow Filipinos, please set your fears aside. These vaccines are backed by science and deliberated on by Filipino experts,” matod sa Presidente sa iyang pagpamulong human sa ceremonial turnover.

“I encourage you to get vaccinated at the soonest possible time and be a partner in preventing the further spread of the disease,” dugang niya.

Iyang gipaneguro nga duna pay mosunod nga mga batch sa bakuna nga mangabot hangtod ang tanang mga Pinoy mabakunahan.

“With this very important shipment, I am confident that more batches of vaccines will be available at great dispatch until every Filipino will be given the chance to be vaccinated at the earliest possible opportunity,” siya niingon.

“I wish to assure the public that your government remains committed to a timely rollout that will enable us to confidently reopen our society,” dugang sa Presidente.

DAD-ON SA CEBU

Si Dr. Mary Jean Loreche, tigpamaba ug chief pathologist sa DOH 7, niingon nga ilang gipaabot nga moabot dinhi sa Sugbo ang tipik sa mga bakuna sa Marso 4-8 nga maoy target date.

“So far, the Sinovac doses that will initially be allocated to Central Visayas will be that for the healthcare workers of Vicente Sotto and is set to arrive anytime soon, with target date of March 4-8,” butyag ni Loreche.

Wa pa say klaro kon pila ang gigahin sa Central Visayas kay naghuwat pa sila sa impormasyon.

Iyang giawhag ang tanang mga Sugboanon nga magpabakuna kay kini seguradong luwas.

“We call upon each Cebuano to participate in the national COVID-19 vaccination program. The vaccines that will be released under the EUA have been scrutinized and evaluated by our panel of experts and technical working group. As such, we are confident that these vaccines that will be rolled out are safe and effective,” matod ni Loreche sa SunStar Cebu. (MVI sa SunStar Philippines, WBS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph