P12.2M drugs, 176 ka ‘durugista’ nasikop

MOABOT ngadto sa P12.2 million nga balor sa illegal nga drugas ang nasakmit sa kapulisan sa probinsya ug dakbayan sa Sugbo atol sa tulo ka adlaw nga Simultaneous Anti Criminality and Law Enforcement Operation (SACLEO) gikan sa Pebrero 24-26, 2021.

Ang labing daghan nga nakasakmit mao ang Cebu Police Provincial Office, diin nakasakmit silag 75 kilos sa mga marijuana ug nga binulto sa gituohang shabu nga mobalor sa dul-an P10 million.

Gisundan kini sa Cebu City Police Office nga adunay P2.7 million nga balor sa illegal drugs.

Nakasikop usab silag 176 ka mga drug personality, 62 niini sa dakbayan sa Sugbo diin adunay pito nga nabutang sa data base nga high value individual ug 114 sa mga police station sa kalungsuran sa lalawigan sa Sugbo.

Samtang 201 ka tawo ang nadakpan sa illegal gambling, 75 kanila sa dakbayan sa Sugbo ug 126 sa probinsya. Moabot usab og 16 ang napusasan tungod sa illegal possession of firearms.

Sa mga most wanted persons ang kapulisan sa probinsya nakasikop og 13 samtang moabot usab ang tanan sa 167 ang nadakpan sa gi serve nga warrants of arrest. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph