NAKAGAWAS na sa tambalanan sa Sabado, Pebrero 27, 2021 si Office of Presidential Assistant for the Visayas (OPAV) Secretary Michael Dino.
Sa iyang pamahayag, si Dino niingon nga bisan nakagawas na siya sa tambalanan, gitambagan siya sa iyang mga doktor nga humanon ang 21 ka adlaw una pa siya pabalikon sa pagtrabaho.
Mga duha ka semana ang nakalabay, si Dino nagpositibo sa coronavirus disease (Covid-19).
Wa pa siya magpaospital sa sinugdan kay mild lang ang iyang mga simtomas. Apan dihang nahimong mo-derate ang iyang simtomas, nakahukom siya sa pagpaospital.
“However, my condition my symptoms progressed from mild to moderate, thus prompting my admission to Cebu Doctors’ University Hospital,” matod ni Dino sa iyang pamahayag.
Matod niya nga sa iyang pagkaospital, iyang nadayeg og samot ang mga sakripisyo sa mga doktor ug hospital personnel. (REV)