Editoryal: Magpasalamat ni Gwen

DAKONG bintaha sa lalawigan sa Sugbo nga nakabaton og gobernador nga isog ug diili mahadlok mosupak sa administrasyon bisan kaalyado niya ug isip nag-unang maoy vote-rich nga lalawigan sa nasod.

Si Gobernador Gwendolyn Garcia maoy unang pangulo sa usa ka lokal government unit (LGU) nga niisyu og executive order (EO) nga pormal nga nag-abli sa lalawigan ngadto sa lokal nga turismo.

Apan gipaneguro sa EO ni Garcia ang higpit gihapon nga pagpatuman sa protocol sa panglawas. Iyang gipapas ang daghang travel document nga gikinahanglan, lakip sa swab test, sa walay simtomas sa coronavirus disease 2019 (Covid-19) ug naglatid og yano nga lagda alang sa mga turista.

Matod ni Gwen, ang lalawigan sa dako og kita gikan sa turismo ug gusto niya nga mahibalik na kini aron dili motikyaub ngadto sa pagkabangkaruta, parehong kamatayon ang resulta sama sa Covid-19.

Gawas pa, ang pagka vote rich sa lalawigan dakog hulga sa mga pulitiko nga maparot sa eleksiyon labina nga umaabot ang laing nasudnong piniliay sa 2022.

Ang mga Sugbuanon, gipangunahan ni Gwen, mipadayag sa pagsupak sa laing hugonhugon nga lockdown tungod sa nagsakang mga kaso sa Covid-19.

Niadtong Sabado, Pebrero 27, ang Inter-Agency Task Force (IATF) for the Management of Emerging Infectious Diseases nipaluag sa polisiya sa pagbiyahe. Wala nay travel documents ug swab test. Gipabilin ang ubang minimum health standards, sama sa miuyon sa baroganan ni Gwen. Gusto sa IATF nga magpareha na ang travel protocol sa nasod.

Makalibog nga kanhi nagkalainlaing lagda sa LGUs batok sa Covid-19. Maayong nahigmata ang IATF. Salamat kang Gwen maisugong mibarog ug instrumento sa kausaban taliwa sa mga kalisdanan dala sa Covid-19.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph