SIMPLE nga diwa sa selebrasyon sa ika-84th Araw ng Dabaw ang gihimo kagahapon sa buntag, Marso 1, uban si Davao City Mayor Sara Duterte-Carpio ug ang ubang yunit sa awtoridad.
Agi'g opening sa kaugdahan, usa ka flag ceremony ang gihimo nga gipangunahan sa mayora ug sa Davao City Police Office pinaagi ni chief Col Kirby John Kraft ug Task Force Davao commander Col Consolito Yecla.
Gisundan kini sa usa ka thanksgiving mass nga gitambungan sab sa mayor uban sa mga department heads sa City Hall.
Niya pa nga di mamahimong magbulag-bulag ang mga Dabawenyo, hinuon maghiusa alang sa kalamboan sa siyudad ug sa pagpakigsangka sa Covid-19 aron mahuman na ang pandemya.
"Magpasalamat ko sa tanang Dabawenyo for being strong ang resilient during this pandemic. Kinahanglan ta magpadayon sa atong kusog as a city, as a people. Because kining pandemic will still be here during the year 2021 and kinahanglan dili ta magbulag-bulag sa atong kinahanglang buhaton para sa atong siyudad. Happy 84th Araw ng Davao sa atong mga kaigsuonang Dabawenyo," tipik sa pamahayag sa mayor atol sa pakighinabi sa mga tigbalita. (Jeepy P. Compio/CIO)