Adunay bag-ong coach sa Rain or Shine Elasto Painters alang sa ilang kampanya sa 2021 season sa Philippine Basketball Association (PBA).
Nakadesisyon ang Elasto Painters nga himuong headcoach si Chris Gavina aron ihulip kang Caloy Garcia, kinsa maoy naggiya sa team sulod sa upat ka seasons.
“He brings with him several years of experience both (in) the PBA and the MPBL,” pamahayag sa Rain or Shine sa social media.
Si Gavina maoy headcoach sa TerraFirma niadtong 2016 hangtod 2018 sa PBA ug nakagiya sab siya sa Bacoor Strikers sa Maharlika Pilipinas Basketball League (MPBL).
Nakasulod siya sa Rain or Shine niadtong 2019 isip assistant coach. (ESL)