Ang Department of Social Welfare and Development (DSWD) ug ubang mga miyembro sa Inter-Agency Council Against Child Pornography (ICACP) nangulo sa pagsaulog sa Safer Internet Day Philippines (SIDPH) niadtong Pebrero 13, 2021 uban sa virtual kickoff activity niadtong Pebrero 9.
Usa kini ka kasaulogan ubos sa Presidential Proclamation No. 417 nga nagdekarar sa ikaduhang Martes sa Pebrero matag tuig sama sa Safer Internet Day for Children.
Ang SIDPH usa sa mga estrahiya sa kagamhanan pinaagi sa ICACP, din nagmugna og public awareness sa panginahanglan sa pagseguro sa pagpanalipod sa kabataan gikan sa risgo sa pag-abuso tungod sa sayop nga paggamit sa cyberspace o kakuwang sa awareness sa internet safety.
“Nowadays, the internet plays a major part of the society. It has a great influence on our everyday lives from getting information, communication, games and all,” matod ni DSWD 7 Regional Director Rebecca P. Geamala.
Matod niya, ang mga tawo dili makatago sa risgo ug kakuyaw uban sa paggamit sa teknolohiya sama sa cyberbullying, online pornography, ug hacking.
Usa sa nag-unang hulga mao ang online sexual abuse and exploitation of children (Osaec), nga kinahanglan mahatagan og solusyon.
Ang tema ning tuiga, “Bagong Normal: Ligtas na Internet for All!”, nga nahisubay karong tuiga nga international theme “Together for Better Internet.”
Kini gisagulog sa pagpanawagan sa pag-asksiyon sa pagpalambo sa maayo ug luwas nga paggamit sa matag usa labi na sa mga bata ug mga batan-on.
Gisugdan kini sa 2004 sa nagkalainlaing nasod sa Uropa ug karon giobserbar sa kapin sa 100 ka mga nasod sa kalibotan.
Ang DSWD-7 uban sa partner stakeholders nipasiugda og webinar bahin sa safe internet use sa usa ka buwan nga kampanya. (PR)