Gikumpirmar sa mommy ni Dionne Monsanto dihang ako ning nahinabi nga karong Marso na ang kasal sa iyang anak.
Si Dionne niabot niadtong Enero sa Switzerland diin ni-proposed ang iyang Filipino-Swiss boyfriend for three years nga si Ryan Stadler.
Sa guesting ni Dionne sa taped episode sa “Magandang Buhay” niadtong Huwebes, gianunsyo na sa 35-anyos nga aktres ang iyang pagretiro sa pagka-artista.
Apan matod ni Mommy Dulce nga dili sila makatambong sa kasal kay mahadlok pa silang mobiyahe tungod sa Covid.
“But Dionne planned to have me and my eldest daughter Aileen visit her next year, and God willing, naa na siyay baby ana nga time,” chika pa ni Mommy nga klaro kaayong excited nang magka-apo kang Dionne.
Kon unsa gyung petsaha ang kasal, ang tubag lang ni Mommy Dulce-- “secret.”