Ang Emergency Operations Center (EOC) nakatala og 40 ka kinabuhi nga nakalas sa coronavirus disease (Covid)-19 sa Pebrero, 2021.
Niabot og 325 porsyento ang pagsaka sa nangamatay itandi sa Enero nga aduna lay 13.
Si Konsehal Joel Garganera, deputy chief implementer sa EOC, nagkanayon nga 36 sa nangamatay nagpangidaron og 50 ngadto sa 109 anyos, samtang ang laing upat nag-edad og 49 anyos paubos.
Sa Pebrero 5 ug 15, adunay tag upat nga nangamatay sa sakit.
Tulo niadtong Pebrero 12, 21 ug 23 samtang tag duha ang patay ug usa ngadto sa way casualty sa ubang mga petsa.
Samtang inanay na nga nius-os ang gidaghanon sa aktibong mga kaso sa Covid-19 sa dakbayan human nakatala og 218 ka recoveries niadtong Pebrero 28 samtang 200 ang bag-ong natakboyan sa sakit.
Sukad niadtong Pebrero 26, ang EOC way nalista nga namatay gumikan sa Covid-19.
Pito na usab ka adlaw nga sagunsonson nga daghan ang recoveries nga natala itandi sa bag-ong nataptan sa sakit. (PAC)