Sinovac paliton sa Lapu-Lapu City

GIBUTYAG ni Lapu-Lapu City Mayor Junard Chan nga CoronaVac nga iya sa Sinovac Biotech sa China ang bakuna nga paliton sa kagamhanan alang sa mga Oponganon.

Kini aron maparehas ra sa ihatag nga bakuna sa nasudnong kagamhanan ngadto sa dakbayan.

Wa pa masayod si Chan kon pila ang mahatag sa dakbayan sa una unyang rollout sa bakuna sa mosunod nga mga adlaw.

Apan giklaro niya nga una nga bakunahan ang 1,400 ka mga frontliner sa dakbayan.

Lakip usab siya sa magpabakuna kauban ang mga opisyal sa Department of Health (DOH) 7 aron paghupay sa kabalaka sa kinabag-an kalabot sa mga bakuna.

Matod ni Chan nga gipasabot siya pag-ayo ni Dr. Mary Jean Loreche kalabot sa kaluwas ug ka epektibo sa bakuna busa way rason nga dili siya motuo sa mga esksperto sa panglawas.

Nunot usab sa pag-abot na sa unang rollout sa bakuna sa nasod hayan mahinayon na usab ang vaccine simulation sa Dakbayan nga wala mahinayon niadtong Pebrero 24. (GCM)