SUPERBALITA DAVAO

Pamakuna sa Davao sugod na

Hulagway kuha ni Mark Perandos

GITAKDANG sugdan ang pagpamakuna dinhi sa siyudad sa Davao karong Biyernes, Marso 5, human nangabot ang 12,000 doses nga Covid-19 vaccine gikan sa Sinovac Biotech Ltd sa dakbayan kagahapon, Martes, Marso 2.

Ang mga bakuna niabot gikan sa Manila mga alas 6:40 sa buntag kagahapon pinaagi commercial flight sa Francisco Bangoy International Airport, labing nailhan sab nga Davao International Airport.

Sa pag-abot, ang mga bakuna gilayon kining gibiyahe padulong sa Department of Health (DOH)-Davao Center for Health Development.

Kini nahitabo human miabot ang 600,000 doses sa Sinovac's CoronaVac nga bakuna niadtong Dominggo, Pebrero 28.

Giingong sayo sa gilauman ang pag-abot sa mga bakuna dinhi sa siyudad sukwahi sa bag-ong gipahibawo ni vaccine czar Secretary Carlito Galvez Jr., kinsa sayo niini nagsulti nga gitakdang ibiyahe kini dinhi sa siyudad sa Marso 5 ug 6.

Gisulti ni DOH-Davao Director Anabelle Yumang sa paghinabi kaniya nga ang pagpamakuna ilusad sulod sa usa ka semana, ug ang 8,000 health workers (HCWs) iprayoridad sa imbukada.

Matag indibiduwal hatagan og duha ka doses nga dunay interval nga 28 ka adlaw.

Dugang pa niya nga nagpaabot pa sila og dugang 4,000 doses aron nga maapil ang mga eligible nga mga indibiduwal.

Samtang gidasig ni Yumang ang mga health workers nga mopirma ug modawat sa bakuna.

"Maningkamot pud ta nga atong proteksyon, kani man gyud atong gipaabot -- ang bakuna, naa naman sa atoa. Atong healthcare workers, ato gyung paningkamutan nga magpabakuna sila," matud niya.

Samtang gipamahayag ni SPMC officer-in-charge Dr. Ricardo Audan ngadto sa mga tigbalita una miabot ang mga bakuna nga kadaghanan sa ilang mga trabahante andam nga modawat sa CoronaVac vaccine.

"Very positive. Daghan kaayong frontliners ang magpa-inject (Many of our frontliners are willing to be injected)," tin-aw ni Audan.

Base sa surbey sa tagdumala sa ospital nga gihimo niadtong Marso 1, mga 72 hangtud 75 porsiyento sa 5,900 kinatibuk-ang trabahante andam nga modawat sa bakuna, apan di tanan, matud niya, nakaapil sa surbey tungod kay ila lang gisugdan ang surbey bag-ohay lang.

Andam sab si Audan nga magpabakuna aron nga madasig ang iyang mga trabahante nga magpabakuna usab.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph