Daghana ra ba sa dili gusto magpabakuna tungod sa kahadlok sa side effect niini. Isip pagmatuod, 19 porsyento lang ang gustong magpabakuna base sa resulta sa migawas nga survey.
Miabot naman gud dinhi sa Pilipinas, ang Covid-19 vaccine ug ania na usab sa Dakbayan sa Sugbo ang tipik sa gipadala sa China dinhi sa nasud. Ang bakuna anaa gibutang sa storage facility sa Vicente Sotto Memorial Medical Center. Ang niabot mao ang CoronaVac, gama sa Sinovac sa China. Giingon nga 50 porsyento lang ang kaapektibo. Layo ra sa Pfizer ang kaepektibo kay 90 porsyento.
Sugdan na ang pagbakuna karong Huwebes, March 4,2021 . Ang unahon ang mga health worker sa VSMMC ug ubang mga frontliner.
Para nako mas maayo ng magpabakuna bisan pa kon dunay side effect. Kay sa anang mahimo kang positibo sa Covid-19 kay natakdan ka.
Ang Covid-19 vaccine mao ang Sinovac nga nagikan sa nasud sa China. Ang kontrobersyal nga bakuna nga ang ka-epektibo niini gikan sa 50 porsento.
Kon 50 porsiyento ra ang kaepektibo sa China, unsa man morag 50-50 ang kahimtang sa mabakunahan? Pero kay nakapasar man sa World Health Organization ( WHO ) ug Food and Drugs Administration ( FDA), wa kitay angay kabalak-an.
Apan si Presidente Rodrigo Duterte di gusto sa Sinovac vaccine. Pero China-made gihapon ang bakuna nga ganahan sa Presidente nga iya sa Sinopharm.
Samtang gikalipay ni Cebu City Mayor Edgardo Labella ang pagpangabot sa mga bakuna. Ug di ipamugos sa mayor ang dili gusto. Gipahibawo usab ni Labella, ang pagpa swab test sa mosud sa siyudad. Kini tungod sa pagtaas sa mga kaso sa Covid-10.
Subay niini, nagmalampuson ang Sugbonar sa Abante Barangay ni Atty. Totol Batuhan niadtong Dominggo February 28. Atol sa Sugbonar, gipatin-aw ni Dr. Junjie Zuasela, head sa Epidemiology Dept. sa Department of Health ang ka-importante sa Covid-19 vaccine.
(Email: efrenlonzon71@gmail.com, Text:09235562777)