NAKATALA og 24 ka mga bag-ong kaso sa coronavirus disease (Covid-19) ang Cagayan de Oro, pulos mga local trasmissions, sumala sa report sa City Health Office Martes, Marso 2.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 3,824.
Sumala sa ni City Health Officer Dr. Lorraine Nery, sa 24 ka mga bag-ong lokal nga kaso, upat ang mga local cases with link, 12 ang mga local authorized persons outside residence (Apors) ug walo ang mga local index nga mga kaso.
Sa 3,824 nga kinatibuk-ang kaso sa Covid-19 sa syudad, 422 ang mga returning overseas Filipino workers/locally stranded individuals (ROFs/LSIs) ug 3,402 ang mga local transmissions.
Matud ni Nery, sa 3,824 nga mga local nga kaso, 186 ang mga persons deprived of liberty (PDLs), 1,800 ang mga local index cases, ug 1,414 ang mga local cases with link.
Ang Cagayan de Oro adunay 199 ka mga active cases, 47 niini na-admit sa Northern Mindanao Medical Center ug uban pang mga ospital sa syudad ug 152 ang mga outpatients.
Nakatala usab og 10 ka mga Covid-positive nga mga kaso nga karon naka-recover. Anaa na karon sa 3,443 ang ihap sa mga nakarekober nga mga kaso sa dakbayan.
Sa maong numero, 302 ang mga LSIs, 119 ang mga ROFs, ug 3,022 ang mga lokal nga kaso (community: 2,572; Apors: 450).
Ang ihap sa mga namatay sa Covid-19 sa syudad naa sa 182.