SUPERBALITA CEBU

Step bro suspek sa pagpatay

GIUNAY NI MANOY: Kaging nang napalgan niadtong Lunes, Marso 1 ang 11 anyos nga si Antonette Andare sa kalibunan sa Purok 2, Barangay Tubigagmanok, Lungsod sa Asturias, Sugbo. Nahimutangan sa maong lawas dili ra layo sa mga kabalayan hinungdan nga nakaplagan ra sab sa silingan./ Tampo ni Ivor Awit Taglucop

Ang stepbrother sa 11 anyos nga babaye nga napalgang patay sa kalibunan sa Purok 2, Barangay Tubigagmanok, Lungsod sa Asturias, Sugbo ang gitumbok nga suspek sa gidangatan sa bata.

Ang patay nga lawas ni Antonette Andare, lumolupyo sa maong dapit, ang napalgan niadtong Lunes, Marso 1, 2021 sa 11 sa buntag nga naghay-ad na nga way sapot ang ubos nga bahin niini.

Matod ni Police Staff Sergeant Bernadette Tapilot, hepe sa Women’s Children Protection Desk sa Asturias Police Station, napalgan si Antonette sa usa ka 15 anyos nga iya ra sab nga silingan sa dihang paingon unta kining maligo.

Ang nahimutangan sa lawas ni Antonette dili ra layo sa mga kabalayan.

Sa gihimong follow-up operation gisignit sa kapulisan si Raymart Compra, 18, stepbrother ni Antonette. Si Raymart ipon ra sab sa gipuy-an ni Antonette.

Ang amahan ni Raymart ug ang inahan ni Antonette mag-live-in partner.

GIHAGKAN RA



Matod sa Asturias police, gisikop nila si Raymart tungod sa iyang kadudahang lihok sa dihang nihimo og follow-up operation.

Matod sa kapulisan, giangkon ni Raymart ang krimen.

Sumala pa ni Raymart, naalimungawan siya niadtong higayona gikan sa iyang pagkatulog ug gikalitan niya og hawok si Antonette.

Mitiyabaw si Antonette sa gihimo sa iyang kuya ngadto kaniya.

Saysay ni Raymart ngadto sa pulis nga gisaba-an siya sa paghinilak ni Antonette hinungdan nga iyang gituok hangtod nga nabugtoan ang bata sa iyang gininhawa.

Wa sa balay ang ilang mga ginikanan niadtong tungora.

Aron sa pagtago sa krimen, gidala ni Raymart ang lawas ni Antonette ngadto sa kasagbutan nga dili ra sab layo sa ilang gipuy-an.

GIBASOLAN



Matod ni Raymart, nagbasol siya sa iyang nahimo ug wa siya sa iyang huna-huna niadtong higayona.

Dili pa matino kon gihilabtan ang pagkababaye ni Antonette samtang wa pa mogawas ang resulta gikan sa Scene of the Crime Operatives (Soco).

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph