SUPERBALITA CEBU

Rustom gikulata; Robin nakalusot human 'nanglabni'

Nabun-og human kulataha sa mga estambay ang suspetsadong esnatser nga nakadasmag sa tiguwang babaye sa Barangay Basak San Nicolas, Siyudad sa sugbo, Martes sa alas 6 sa gabii, Marso 2, 2021.

Si Rustom Ontales, 26, taga Banawa, Barangay Guadalupe, ug iyang angkas nga giilang si Robin Padilla, taga Barangay Basak San Nicolas, nanglabni og cell phone sa wa pa ang aksidente.

Matod ni Police Major Dindo Alaras, hepe sa Mambaling Police Station, nga nang-snatch og cell phone ni Jovie Rosano, 39, taga Basak San Nicolas, sila si Rustom ug Robin.

Nagtubag og tawag sa cell phone si Rosano dihang gisundan sila ni Rustom ug Robin nga nag-angkasay sa motorsiklo.

Si Rosano nagsakay sa sidecar nga tangkal tangkal sa motorsiklo sa iyang bana dihang gilabni ni Robin ang iyang cell phone dayong bulhot og padagan ni Rustom sa motorsiklo.

Nipasirit og padagan sila si Rustom ug Robin samtang si Rosano nagsige og singgit og pakitabang.

Si Rustom nga naratol, nakadasmag og tiguwang babaye hinungdan sa pagkatumba sa motorsiklo.

Dali siyang gihasmagan sa mga tawo ug gitabangan og kulata, apan si Robin nga nagdala sa cell phone nakaeskapo.

Matod ni Alaras nga bun-og na kaayo si Rustom dihang niabot ang iyang mga sakop nga nagpatrolya.

Nagtuo si Alaras nga ang mga snatching sa dapit hinimoan nila ni Rustom ug Robin.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph