Nagpadayon ang Zamboanga Valientes sa ilang pagkulit og pangalan didto sa Australia human nila gipakaging ang inilog nga Sydney Supersonics, 17-14, aron langkaton ang ilang ikaupat nga sunodsunod nga titulo sa Champions League Basketball (CLB) 3X3 sa Hamilton, Victoria.
Kini maoy ilang ikaduhang kadaugan batok sa Supersonics, nga ila usab nga napukan sa preliminary stage, 8-6.
Sa samang higayon, ila usab gipamatuod nga dili taghap ang ilang pagdominar batok sa gihulagwang pinakalig-ong team sa maong torneyo.
Ang Valientes mao usab ang midominar sa 3x3 Christmas Street Hustle sa Canberra, CLB 3x3 sa Bendigo ug sa CLB 3x3 Portland Open.
Tungod niini ang Zamboanga City Council ug ingon man si Zamboanga Mayor Beng Climaco mipalabang og dakong pag-ila sa gihimo sa maong team ug mapasigarbuhong mipasidungog niini. (JBM)