Aduna na’y kahayag ang mounlod-molutaw nga kasabutan kabahin sa posibleng pangsangka nila ni Filipino boxing icon Manny Pacquiao ug American Mikey Garcia.
Mismong si Garcia ang nibutyag nga hapit na ma-finalize ang iyang pagpakigsangka sa kanhi pound-for-pound champion nga Pinoy.
“We’re finalizing all of the details. We hope to get the exact date and location in the next few days. We’re trying to get everything done for May,” matod ni Garcia nga napatik sa www.boxingscene.com.
Gipasabot ni Garcia nga taodtaod na sab nasugdan ang negusasyon kabahin sa away apan ning higayuna lang kini nalamdagan og dakong posibilidad.
“Now, in the last few weeks, we’ve been getting very close to working on this and finalizing it. I’m pretty excited,” dugang ni Garcia.
“We’ll have all of the details set in the next few days. It’s a matter of time. So far, it seems like all of the parties are on board. I’m excited for it.”
Ang duha ka mga boksidor pareho nang nag-post sa social media og video nga nagsugod na sila sa pag-training, timailhan sa dakong kalambuan sa negusasyon sa ilang away.
“It’s a great fight. I think it’s great for my career, and for the fans,” dugang ni Garcia.
Gibanabanang mapahigayon ang away karong Mayo ning tuiga.
Si Garcia, 33, naggunit og 40-1, 30KOs nga rekord samtang si Pacquiao, 42, adunay 62-7-2, 39 KOs nga baraha. (ESL)