Covid vaccination simulation gihimo sa Lapu-Lapu City

Gipahigayon na sa Miyerkules sa buntag, Marso 3, 2021 ang vaccine simulation sa Dakbayan sa Lapu-Lapu nga gipahigayon sa Brgy Pajo gGymnasium.

Ang lugar maoy napiling venue alang sa phase 1 sa vaccination unya sa dakbayan alang sa mga medical health frontliner.

Mismo si Lapu-Lapu City Mayor Junard “Ahong” Chan maoy nangunay pagsuway sa vaccine simulation diin miagi siya og unom ka steps sa vaccination.

Una mao ang waiting area; ikaduha registration; ikatulo counselling, diin mahimo pang makahuna huna ang usa ka indibidwal magpabakuna ba o dili.

Ikaupat mao ang screening, diin pangutan-on ka kon duna ba kay gipamati sa panglawas; ikalima ang vaccination ug katapusan mao ang post vaccination area diin mahimong makapahuway ang usa ka indbidwal nga nabakunahan sud sa pipila ka minutos.

Sa aktwal unya nga pagbakuna sa dakbayan, si Chan usab ang una nga mopaubos sa vaccination.

“Grabe gyud ang proseso kay gisiguro gyud nga luwas ta una ta magpabukana. Aatong nakita nga dapat ang magpabakuna healthy ug himsog gyud,” matod ni Chan. / GCM

Natagbaw ang kadagkuan sa Department of Health DOH-7 sa simulation apan mas maayong madugangan ug nurses ang vaccination area ug madali ang pagdala sa usa ka indibidwal nga makasinati og gamayng kakulian sa bakuna, sumala, ni Dr. Mary Jean Loreche, tigpamaba sa DOH-7./GCM

Nasayran nga ang kagamhanan sa dakbayan sa Lapu-Lapu maoy unang Local Government Unit LGU sa rehiyon 7 nga mipahigayon ug vaccine simulation. (GCM)