Gihurot og tanggal sa bag-ong nilingkod nga kapitan sa Barangay Luz ang mga tinudlo nga kawani sa barangay kapin duha ka semana ang nakalabay human namatay si Kapitan Ronilio Sab-a.
Apan gibagan kini sa barangay council pinaagi sa usa ka gipalabang nga resolusyon.
Si Renato Labrador, kanhi first barangay councilor, niisyu og Memorandum Number 2021-001 niadtong Pebrero 23 nga nagpahibawo nga kutob na lang niadtong Pebrero 28 ang ilang pagpanarbaho.
Apil sa gitangtang ang barangay treasurer ug secretary.
“Due to the recent and unfortunate death of former Punong Barangay Ronilio Sab-a, the services of all appointed barangay employees...can be terminated upon the assumption of office of the new punong barangay or immediately after notification has been givento the abovementioned appointed employees,” tipik sa memo ni Labrador.