Dear Noy Kulas,
Tawga lang ko sa pangan nga Mechu. Usa ko ka OFW ug 32 years old. Ang akong problema ang akong GF nga 20 years old nga akong gigastuhan og eskwela.
Wa ko magsaba sa akong family aning bayhana nga akong gigastuhan kay sa iyang age at that time, high school pa man siya. Karon naa na siya college kay ako man gipaeskwela. But naguol ko kay ang iyang mga barkada mag PM nako og pictures sa akong GF nga kuyog ang lainlaing lalake. Sweet pa kaayo but wa niya gipang post sa Facebook kay mahadlok masakpan. Naa pay usa ka picture nga hubog siya nga nakig kiss sa lalake nga grabe kaayo.
Ako na siyang gi-confront ani ug nasuko na man hinuon siya ug iya kong gi-block sa Messenger ug gi-drop ang akong calls. Akong gi-cut ang akong support kay feel nako, ako ray iyang gikabuangan kay sa akong tan-aw shota ng bayan siya. Mao to, nibalik siya og contact nako unya nag sorry. Ako gipadayon ang support but basin karon lang nga semester. Sakto kaha ko nga akong putlon ang support ug relationship? Di ba anugon ang investment nako unya lain ang nakapahimus?
MECHU
Chu,
Kon di man ikaw ang iyang ikadayon, huna-hunaa na lang nga nakatabang ka og usa ka babaye nga makahuman sa college ug makabaton og mahayag nga kaugmaon. Kana na lang ang tan-awa aron di ka maguol maghuna-huna sa imong “investment” nga way return. Ang imo huna-hunaon nga ikaw nakatabang sa imong isig kaingon.
Nagduda ka man nga di siya kasaligan nga pagkababaye, mas maayong putlon mo ang inyong relasyon. Lain sab kaayo kon magpadayon ug mag expect ka, unya in the end, di diay ikaw.
NOY KULAS
rojval69@yahoo.com ug kulassuper@sunstar.com.ph