SUPERBALITA CEBU

Nalzaro: Galgal ni Inday Sara

Saksi

Usa ka tuig kapin pa una ang May 2022 local ug national elections, diin mopili na usab kita og presidente. Layo pa tuod ang uban nga interesado nga modagan sa pagka presidente, mihinay-hinay na og posisyon. Hinuon dili kaayo disimulado. Aduna say nagpa-ukon-ukon sa pagbutyag sa ilang mga plano kay morag sayo pa kaayo moitsa sa ilang kawo sa pulitika.

Si presidential daughter ug Davao City Mayor Inday Sara Duterte Carpio, bisan sa makadaghang higayon nga mihimakak nga molansar sa pagka-presidente, apan gigalgal og maayo sa iyang mga supporter ug supporters sa iyang amahan nga padaganon sa pagka-presidente. Mismo si Presidente Rodrigo Duterte mi-discourage o mipabugnaw sa iyang anak paglansar. Apan aniay mga tawo nga gustong palansaron si Inday Sara kay gusto silang magpadayon ang nasugdan sa iyang amahan.

PRE-MATURE CAMPAIGNING?



Kon ang mga lagda o balaod gihimo aron mas sayon ug mas hapsay ang atong kalihokan, nganong duna may mga tawo nga molapas sa mga balaod? Sama sa balaod batok sa pamintaha sa pagpangampanya. Ang mga expert adunay teyoriya niini. Una, kanang gitawag og cheater’s high. Kana bang di mapasabot nga kalipay ug katagbawan kon naa kay nalapas nga balaod. Ang pagbatyag og kahimuot ug katagbawan giubanan pa sa pagtuo nga mas maayo pa silang laki o mas smart o abtik sila kay sa uban kay nakabintaha.

Ikaduhang rason, matod sa psychologists, mao ang sense of freedom. Kana bang sama ka sa nakalingkawas sa hugot nga mga lagda nga migapos kanimo. Ug ang paglikay o paglingkawas sa mga balaod maghatag kanila’g dugang kompiyansa sa kaugalingon nga ilang mahimo ang bisan unsa nga buot nilang himuon. Pananglit sa balaod batok sa early campaigning anaay gamay’ng haw-ang sa balaod nga puwedeng malutsan.

Mao nga mahagit ang ilang katakus sa pagpangitag paagi. Kay di ba silang tanan nga niapil sa politika ‘pamintaha’ man gyud ang katuyuan? Gani, ato nang gidawat ang kamatuoran nga ang labing unang moreklamo og pamintaha mao man sab ang kadtong numero unong bentahoso. Mao nay giingon sa makauna lang sa pagpanikas. Kay kining pulitika giingon man sa uban nga “puli-puli og tikas.”

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph