SUPERBALITA CEBU

Didal gitagaan og pasidungog

Nadugangan ang koleksyon ni Asian ug Southeast Asian Games gold medalist Margielyn Didal sa mga tropeyo human siya natudlo isip labing unang Women’s Asia Skater of the Year awardee.

Si Didal, 21, milupig sa laing pito ka mga kandidato lakip na ang kababayang si Cindy Lou Serna sa inilugay ning maong pasidungog. Nakabulsa siya og $1,500 nga ganting salapi tungod niini.

Lakip sa nahatagan og nominasyon mao sila si Aori Nishimura, Nanaka Fujisawa, ug Hina Maeda sa Japan, Nyimas Bunga Cinta sa Indonesia ug Orapan Tongkong sa Thailand.

Sa interbyu sa ABS-CBN News, gipadayag sa Cebuana ang dako niyang pasalamat nga nahatagan siya ning maong pasidungog.

Ang lumad nga taga Lahug, Cebu mao sab ang midaog sa Style for Miles award ug Fastest Feet in the East. Nadugangan ang iyang ganti og $300 ning maong mga kadaugan.

Si Didal gilaumang makarepresentar sa Pilipinas sa umaabot nga Olympic Games sa Tokyo, Japan.

Adunay duha ka Pinoy nga mga lalaki nga nanominado sab apan wala modaog. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph