Kon adunay Hall of Famer sa napiling mga muse sa Philippine Basketball Association (PBA), wala na’y lain kon dili ang artista nga si Alice Dixon.
Kapila na sab nahimong muse si Alice sa PBA. Katapusan siyang mipaso sa PBA opening niadtong 2014 ubos sa kampo sa Petron Blaze (San Miguel Beermen).
Matod pa ni Alice nga ikalima na kini niyang higayon nga nahimong muse.
Si Alice, kinsa natawo niadtong Hulyo 28, 1969, usa sa mga napili ning mantalaan nga labing sexy ug labing maanyag nga nahimong muse sa labing unang professional nga liga sa Asya.
Nahimong Bb. Pilipinas International si Alice niadtong 1986 una siya nag-artista. Nailhan si Alice sa linyang “I Can Feel It” sa usa ka TV commercial. (ESL)