Serna: Programang ‘Your Face Sounds Familiar’ maypag ilisan

NAHISGUTAN na nako dinhi kon ngano nga gisunod gyud nako og tan-aw ang “Your Face Sounds Familiar” sa niaging mga season (tulo na man tingali).

Pero karon, nakamatikod ko nga di na makuha sa mga make-up artists ang dagway sa mga singer nga gustong sundogon sa mga contestant.

Sa duha ka weekends, ang make-up artist ra gyud ni CJ Navato ang akong na-obserbahan nga naningkamot nga masunod ang dagway ni Jose Mari Chan ug Frank Sinatra.

Ang uban kay daugon ra sa buhok ug sa gisul-ob.

Kon di na masundog ang face sa mag-aawit, tawgon na lang tingali og “You Sound Familiar” ang maong programa.

* * *

Nalingaw ko sa sayaw nila ni Enchong Dee ug Joshua Garcia “Asap Natin ‘To” niadtong Dominggo.

Nakamatikod ko nga nagkanindot na ang choreography sa mga production number sa maong programa.

Permanentiha na ninyo ha!

* * *

Laing nakalingaw nako nga numero sa Asap duha ka Dominggo na tingali to ang nilabay mao ang production number nila ni Kyla, Klarisse de Guzman, Angeline Quinto, Regine Velasquez-Alcasid ug Zsa Zsa Padilla diin ilang gikanta ang kang Sharon Cuneta nga “Sana’y Wala ng Wakas” (usa sa akong paboritong OPM).

Morag napugos intawon og birit si Zsa Zsa kay ang iyang mga kauban pulos man mga biritira.

Pero carry ra kaayo sa Divine Diva ang iyang gihimo.

* * *

Kaniadto, ang mga pulong Bisaya nga “kawatan,” “kuno” ug uban pa ang sagad gamiton sa mga artista ug mga tigbalita nga Tagalog.

Niadtong Martes, gigamit ni Vice Ganda ang pulong “bungol” imbes “bingi.” Nindot nga kalambuan kay sa akong nahibaw-an, tumong sa Commission on National Language nga magamit ang mga pulong gikan sa laing mga lugar sa nasud aron makahimo ug tinuod nga national language.

Kini tungod kay ang gitawag karon nga national language, sa tinuoray lang, Tagalog man gyud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph