Pagsiguro nga walay makababag sa kadalanan, sidewalks, taytayan ug ubang bahin sa pampublikong dalan, usa ka ordinansa nga nagmando ug mas dakong multa alang sa mga mobabag ang gipasar sa konseho sa lungsod sa Daanbantayan.
Pinaagi sa Ordinance No. 01-2021 makamulta og moabot sa P2, 500 o pagkapriso sud sa unom ka buwan alang sa ika-tulong kalapasan, P1,500 sa ikaduhang kalapasan ug P1,000 nga multa sa unang paglapase.
Kini kon padayon nga mag ali o mobabag sa kadalanan sama nalang sa mga maninda og utanon, prutas ug uban pang produkto.
* Pag-ile sa mga construction materials sa kadalanan.
* Pag sab-it og mga signages ug mga signboards nga mo babag sa pedestrian lanes.
* Paghimong grahian sa mga sidewalk.
* Pagbutang og extension sa panimalay sa sidewalks.
* Pagbutang og gate nga nilapas na sa kadalanan.
* Paghimo og garden o pag butang og mga tanom sa sidewalk.
* Pagdiskarga sa mga softdrinks og ubang mga ilimnon sa sidewalk o sa kadalanan ug uban pa.
Kining tanan gidili na sa lungsod sbay sa pagtuman sa road clearing program sa kagamhanan aron kalikayan ang aksidente. (ANV)