2 ka kapitan, drayber patay sa pagpamusil sa Samar

TARANGAN, Samar-Nangamatay ang duha ka mga barangay kapitan ning lungsod ingon man drayber human sila gipamusil sa riding in tandem sa karsada nga sakop sa Barangay Balugo, alas 8:40 sa buntag, Miyerkules, Marso 3, 2021.

Ang mga biktima giila sa kapulisan nga sila si Bonifacio Babon, 63, kapitan sa Barangay Marabut; ug Amelita Helbolario, kapitana sa Barangay Awang ug ang drayber sa motorsiklo nga si Elpidio Babon.

Ang kapulisan sa lungsod nakadawat og tawag gikan sa usa ka concerned citizen bahin sa insidente.

Dali nga niresponde ang kapulisan aron susihon ang report.

Base sa inisyal nga imbestigasyon sa kapulisan, nagsakay sa motorsiklo ang mga biktima paingon sa Tarangnan proper aron motambong sa meeting sa Municipal Peace and Order Council (MPOC) ug Liga ng mga Barangay.

Pag-abot sa lugar nga nahitaboan, niabot ang riding in tandem ug gipamusil ang mga biktima gamit ang kalibre .45 nga pistola. Dead on the spot ang duha ka mga Babon samtang dali nga gidala sa tambalanan si Helbolario, apan gideklarar nga dead on arrival.

Dali nga misibat paingon sa direksyon sa Catbalogan ang mga killer. Blangko pa usab sa pagkakaron ang mga awtoridad sa motibo. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph